Iň täze habarlar

IŇ TÄZE HABARLAR

08.09.2017 | Türkmenistanyň Prezidenti Gurbanguly Berdimuhamedow Ministrler Kabinetiniň nobatdaky mejlisini geçirdi

Onda öňümizdäki möhüm wakalar bilen baglanyşykly döwlet durmuşynyň derwaýys meseleleri ara alnyp maslahatlaşyldy. Şeýle hem gün tertibine durmuş-ykdysady ösüşiň pudaklaýyn wezipelerini ara alyp maslahatlaşmak meseleleri girizildi.


08.09.2017 | Türkmenistanyň “EKSPO-2017”-ä gatnaşmagynyň netijeleri jemlenildi

10-njy sentýabrda işini tamamlaýan “Astana EKSPO-2017” ýöriteleşdirilen halkara sergisine Türkmenistanyň gatnaşmagynyň netijeleri jemlenildi. Bu barada hökümetiň mejlisinde Ministrler Kabinetiniň Başlygynyň orunbasary O.Gurbannazarow habar berdi.


08.09.2017 | «Aşgabat 2017» oýunlarynyň başlanmagyna 10 gün galmagy mynasybetli dabaralar

Ýapyk binalarda we söweş sungaty boýunça V Aziýa oýunlarynyň başlanmagyna bir hepde galdy. Munuň özi Türkmenistana gyzyklanma bildirýän myhmanlaryň we janköýerleriň müňlerçesini özüne çekýär, şeýle hem şeýle derejedäki halkara wakalary beýan edýän dünýäniň köpçülikleýin habar beriş serişdeleriniň ünsüni paýtagtymyza gönükdirýär.


08.09.2017 | Milli Parlament Gazagystan bilen strategik hyzmatdaşlyk hakynda Şertnamany tassyklady

“Türkmenistanyň halkara şertnamalary hakynda” Türkmenistanyň Kanunynyň 13-nji maddasyna laýyklykda, Türkmenistanyň Mejlisiniň Karary bilen Türkmenistan bilen Gazagystan Respublikasynyň arasynda strategik hyzmatdaşlyk hakynda 2017-nji ýylyň 18-nji aprelinde Astana şäherinde gol çekilen Şertnama tassyklanyldy.


08.09.2017 | Türkmenistanyň Mejlisi Özbegistan Respublikasy bilen strategik hyzmatdaşlyk hakynda Şertnamany tassyklady

“Türkmenistanyň halkara şertnamalary hakynda” Türkmenistanyň Kanunynyň 13-nji maddasyna laýyklykda, Türkmenistanyň Mejlisiniň Karary bilen Türkmenistan bilen Özbegistan Respublikasynyň arasynda strategik hyzmatdaşlyk hakynda 2017-nji ýylyň 6-njy martynda Aşgabat şäherinde gol çekilen Şertnama tassyklanyldy.


08.09.2017 | Türkmenistanyň ýangyç-energetika toplumy güýz-gyş möwsümine taýýarlyk görmegini tamamlady

Türkmenistanyň ýangyç-energetika toplumy güýz-gyş möwsüminde sarp edijileri tebigy gaz bilen bökdençsiz üpjün etmäge taýýarlyk görülişini tamamlady. Bu barada hökümetiň mejlisinde bu ugra gözegçilik edýän wise-premýer M. Babaýew habar berdi. Ýurdumyz boýunça 930 müň 210 hojalyk hem-de 5 müň 424 senagat we durmuş maksatly kärhana şertnamalaýyn esasda tebigy gaz bilen üpjün edilýär.


08.09.2017 | Ýanygy bejeriş merkezi paýtagtymyzyň lukmançylyk edaralarynyň ýedisiniň üstüni ýetirer

Aşgabatda Ýanygy bejerişiň ýöriteleşdirilen merkezi gurlar. Türkmenistanyň Saglygy goraýyş we derman senagaty ministrligi bu taslamany durmuşa geçirmek üçin potratçyny seçip almak babatda halkara bäsleşigini geçirer.


08.09.2017 | Hökümet wekiliýeti BMG-niň Baş Assambleýasynyň 72-nji maslahatyna gatnaşar

Türkmenistan BMG-niň Baş Assambleýasynyň 72-nji maslahatyna gatnaşmaga taýýarlyk görýär. Bu barada hökümetiň mejlisinde wise-premýer, daşary işler ministri R. Meredow habar berdi.


08.09.2017 | Agyz suwuny öndüriji kärhanalar üçin kaogulýant satyn alnar

Türkmenistan Jemagat hojalygy ministrliginiň garamagyndaky agyzsuw edaralary üçin zerur bolan alýuminiý sulfatynyň (koagulýant) 15 müň tonnasyny satyn almagy maksat edinýär. Bu barada hökümetiň mejlisinde gurluşyk, energetika hem-de jemagat hojalygy ugamlaryna gözegçilik edýän wise-premýer D.Amangeldiýew habar berdi.


08.09.2017 | Türkmenistanyň demir ýol ulagy paýdarlar jemgyýetine öwürler

Demir ýol ulaglary ministrligi pudagyň kärhanalaryny paýdarlar jemgyýetine öwürmäge taýýarlanýar. Hökümetiň mejlisinde ulag we aragatnaşyk boýunça wise-premýer B.Annameredowyň habar berşi ýaly, häzirki wagtda ministrliginiň garamagyndaky birnäçe kärhanalaryň guramaçylyk-hukuk düzümini kämilleşdirmek boýunça işler geçirilýär. Demir ýoluň Aşgabat böleginiň birleşdirilen hojalygynyň paýly gatnaşmagynda “Türkmendemirýollary” açyk görnüşli paýdarlar jemgyýetini döretmek teklip edilýär.



 

Copyright 2012-2019 Türkmenistanyň Döwlet habarlar agentligi - Türkmenistan bu gün


Flag Counter