Iň täze habarlar

IŇ TÄZE HABARLAR

29.04.2017 | Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 115-si hasaba alyndy

Daşary ýurt walýutasyna Russiýadan, ABŞ-dan, Beýik Britaniýadan, Şweýsariýadan, Birleşen Arap Emirliklerinden, Türkiýeden, Gonkongdan, Owganystandan, Gazagystandan, Täjigistandan we beýleki ýurtlardan gelen telekeçiler Türkmenbaşydaky nebiti gaýtadan işleýän zawodlar toplumynda öndürilen uçar we yşyklandyryjy kerosini, awtobenzini, suwuklandyrylan gazy, polipropileni, binýatlyk ýagy, dizel ýangyjyny, gidro usulda arassalanan dizel ýangyjy, nebit koksy, az kükürtli ýangyç mazudyny satyn aldylar. Owganystanly işewürler Seýdiniň nebiti gaýtadan işleýän zawodynda öndürilen awtobenzine isleg bildirdiler. Mundan başga-da, Russiýa Federasiýasyndan, BAE-den, Türkiýeden, Owganystandan we Ukrainadan gelen işewürler daşary ýurt puluna nah ýüplügi, aşgarlanmadyk flanel matasyny, tekiz boýalan we žakkard tüýjümek önümleriň giň görnüşini, azyklyk bugdaýy, buýan köküni satyn aldylar. Geleşikleriň jemi bahasy ABŞ-nyň 157 million 427 müň dollaryndan gowrak boldy.


29.04.2017 | Türkmenistanyň Prezidenti Permanlara gol çekdi

Türkmenistanyň Prezidentiniň Permany «Türkmenistanyň halk artisti» diýen hormatly ady dakmak hakynda


29.04.2017 | Agyr atletikaçynyň altyn medaly we kikboksingçileriň uly üstünligi

Türkmen türgeni Hojamuhammet Toýçyýew paýtagtymyzyň Olimpiýa şäherjiginde geçirilýän agyr atletika boýunça Aziýa çempionatynyň soňky güni 105 kilogramdan ýokary agram derejesinde tapawutlanyp, bir altyn we iki kümüş medal gazandy. Kikboksing boýunça yklym derejeli ýaryşlarda bolsa biziň türgenlerimiz umumy toparlaýyn hasapda öňde barýarlar.


28.04.2017 | Ministrler Kabinetiniň we Döwlet howpsuzlyk geňeşiniň bilelikdäki mejlisi

Ministrler Kabinetiniň we Döwlet howpsuzlyk geňeşiniň bilelikdäki mejlisinde döwlet syýasatynyň ileri tutulýan wezipelerine hem-de käbir resminamalarynyň taslamalaryna garaldy.


28.04.2017 | Hormatly Prezidentimiz Türkmen bedewiniň baýramy mynasybetli gutlaglary kabul etdi

Şu gün hormatly Prezidentimiz Gurbanguly Berdimuhamedow milli parlamentiň baştutanyndan, Ministrler Kabinetiniň Başlygynyň orunbasarlaryndan, ýurdumyzyň harby we hukuk goraýjy edaralarynyň ýolbaşçylaryndan, welaýatlaryň hem-de Aşgabat şäheriniň häkimlerinden ýurdumyzda her ýylyň aprel aýynyň soňky ýekşenbesinde bellenilýän Türkmen bedewiniň baýramy mynasybetli gutlaglary kabul etdi.


28.04.2017 | Aşgabatda Dünýä türkmenleriniň ynsanperwer birleşiginiň XX maslahaty geçiriler

16-njy maýda Aşgabatda Dünýä türkmenleriniň ynsanperwer birleşiginiň XX maslahaty geçiriler. Türkmenistanyň Konstitusiýasynyň we Magtymguly Pyragynyň şygryýet gününiň öňüsyrasynda paýtagtymyzda geçiriljek Dünýä türkmenleriniň ynsanperwer birleşiginiň nobatdaky maslahatynda birleşigiň işini döwrüň talaplaryna laýyklykda has-da kämilleşdirmek bilen baglanyşykly möhüm meseleler ara alnyp maslahatlaşylar.


28.04.2017 | Jemagat hojalygy institutynyň binalar toplumy ýokary depginlerde gurulýar

2 müň orunlyk Jemagat hojalygy institutynyň täze binalar we desgalar toplumynyň gurluşyk işleriniň güýçli depginde alnyp barylýar. Häzirki wagtda gurluşyk-gurnama işleri doly tamamlanyp, mermer bilen örtmek, enjamlary ornaşdyrmak hem-de ýanaşyk ýerleri abadanlaşdyrmak işleri alnyp barylýar.


28.04.2017 | Aşgabatda ýerasty ulag geçelgesi bolan täze halkalaýyn awtomobil ýoly açyldy

Aşgabatda şäheriň iri köp zolakly çatryklarynyň biri bolan “10 ýyl abadançylyk” şaýoly bilen N.Andalyp köçesiniň çatrygynda gurlan ýerasty ulag geçelgesi bolan halkalaýyn awtomobil ýolunyň açylyş dabarasy boldy.


28.04.2017 | Şeýh Faýsal bin Naser bin Hamad Al Tani Türkmenistanyň Prezidenti Gurbanguly Berdimuhamedowy Türkmen bedewiniň baýramy bilen gutlady

Katar Döwletiniň şeýhler maşgalasynyň agzasy Şeýh Faýsal bin Naser bin Hamad Al Tani, Türkmenistanyň Prezidenti Gurbanguly Berdimuhamedowy Türkmen bedewiniň baýramy mynasybetli gutlag hatyny iberdi. Gutlagda bellenilişi ýaly, bu, hakykatdan-da, doganlyk türkmen halkynyň öz şöhratly ata-babalarynyň gadymy ýörelgelerine ygrarlylygyny alamatlandyrýan ajaýyp baýramdyr.


28.04.2017 | Arheologlar Daňdanakanda alabaýyň gadymy şekilini tapdylar

Türkmenistanyň Medeniýet ministrliginiň taryhy we medeni ýadygärlikleri goramak, öwrenmek we dikeltmek baradaky Milli müdirligiň arheologlar topary bu gezekki ýazky möwsümde Mary welaýatynyň çäginde ýerleşýän meşhur orta asyr şäheri bolan Daňdanakanda gazuw-agtaryş işlerini geçirdiler. Murgap ýaýlasynyň demirgazyk künjeginde, Gadymy Merwden 60 kilometrlikde ýerleşen bu uly bolmadyk şäher ilkinji gezek VIII asyryň orta asyrlar çeşmelerinde ýatlanýar. Ýöne arheologik tapyndylara görä ol araplaryň ýöriişinde has irki döwürde döräpdir.



 

Copyright 2012-2020 Türkmenistanyň Döwlet habarlar agentligi - Türkmenistan bu gün


Flag Counter