1765
Hormatly Prezidentimiz Serdar Berdimuhamedow Onuň Alyjenaby, Beýik Britaniýanyň we Demirgazyk Irlandiýanyň Birleşen Patyşalygynyň Patyşasy Karl III-ä onuň resmi ýaş toýy mynasybetli mähirli gutlaglaryny, iň gowy arzuwlaryny ýollady.
“Biz Türkmenistan bilen Beýik Britaniýanyň we Demirgazyk Irlandiýanyň Birleşen Patyşalygynyň arasynda ýola goýlan dostlukly gatnaşyklara uly ähmiýet berýäris. Ýurtlarymyzyň arasyndaky dostlukly gatnaşyklaryň, netijeli hyzmatdaşlygyň mundan beýläk-de giň ugurlar boýunça ösdüriljekdigine we pugtalandyryljakdygyna ynanýarys” diýip, döwlet Baştutanymyz gutlag hatynda nygtady.
Mümkinçilikden peýdalanyp, hormatly Prezidentimiz Onuň Alyjenaby Karl III-ä berk jan saglyk, bagtyýarlyk, Birleşen Patyşalygyň ähli halkyna bolsa parahatçylyk, abadançylyk, gülläp ösüş arzuw etdi.
