Şu gün hormatly Prezidentimiz Serdar Berdimuhamedow Ministrler Kabinetiniň Başlygynyň obasenagat toplumyna gözegçilik edýän orunbasary T.Atahallyýewiň hem-de welaýatlaryň häkimleriniň gatnaşmagynda sanly ulgam arkaly iş maslahatyny geçirdi.

Türkmenistanyň Prezidentiniň Karary bilen, Begmyrat Gurbangeldiýewiç Ataýew Türkmenistanyň oba hojalyk ministriniň orunbasary wezipesine bellenildi.

Röwşen Welmyradowiç Jumaýewi Ahal welaýatynyň Ak bugdaý etrabynyň häkimi wezipesine bellemeli.

Esenow Annaguly Bozoglanowiçi, özüne ynanylan wezipäni oňarmandygy üçin, Balkan welaýatynyň Esenguly etrabynyň häkimi wezipesinden boşatmaly.

Serdar Töräýewiç Hojaýewi Balkan welaýatynyň Esenguly etrabynyň häkimi wezipesine belläp, ony Balkan welaýatynyň Türkmenbaşy etrabynyň häkiminiň orunbasary wezipesinden boşatmaly.

Nuryýew Rejepmämmet Rejepalyýewiçi, özüne ynanylan wezipäni oňarmandygy üçin, Balkan welaýatynyň Etrek etrabynyň häkimi wezipesinden boşatmaly.

Didar Annamämmedowiç Meredowy Balkan welaýatynyň Etrek etrabynyň häkimi wezipesine bellemeli.

Bazarbaý Gökleňowiç Gylyjowy, pensiýa gitmegi sebäpli, Daşoguz welaýatynyň Akdepe etrabynyň häkimi wezipesinden boşatmaly.

Şyhmyrat Esenowiç Annaýewi Daşoguz welaýatynyň Akdepe etrabynyň häkimi wezipesine belläp, ony Daşoguz welaýatynyň Görogly etrabynyň häkiminiň orunbasary wezipesinden boşatmaly.

Geldimyrat Taganmyradowiç Muhammedowy Daşoguz welaýatynyň Köneürgenç etrabynyň häkimi wezipesine bellemeli.