Onuň Alyhezreti,

türkmen halkynyň Milli Lideri,

Türkmenistanyň Halk Maslahatynyň Başlygy

jenap Gurbanguly Berdimuhamedowa

Ilki bilen, Ahal welaýatynyň täze, döwrebap edara ediş merkeziniň “Arkadag şäheri” diýlip atlandyrylmagy mynasybetli Sizi tüýs ýürekden gutlamaga rugsat ediň! Munuň özi tutuş Türkmenistan üçin, hususan-da, “akylly” ýaşaýyş jaýlary, häkimligiň binasy, drama teatry, Ruhyýet köşgi, Halkara atçylyk akademiýasy we beýleki edaralary bolan bu ajaýyp şäherde ýaşajak ilat üçin aýratyn guwandyryjy wakadyr. Siz bu täze, iri taslamanyň amala aşyrylmagyna yzygiderli üns berýärsiňiz hem-de uly şahsy goşandyňyzy goşýarsyňyz.

Öz halkynyň rowaçlygy barada alada edýän Milli Liderine türkmen halky tüýs ýürekden buýsanýar. Görnükli döwlet işgäri hökmündäki syýasatyňyz we halkyňyz baradaky aladaňyz Garaşsyz, Bitarap Türkmenistanyň dünýädäki abraýyny has-da pugtalandyrýar.

Hormatly 

Gurbanguly Mälikgulyýewiç!

2009-njy ýylyň maýynda Siziň başlangyjyňyz boýunça döredilen, türkmen we awstriýa sazandalarynyň Ýewropadaky ýeke-täk bilelikdäki orkestrine — “Galkynyş” türkmen-awstriýa simfoniki orkestrine 14 ýyl dolýar. Täze Arkadag şäheriniň dabaraly açylmagy mynasybetli geçiriljek baýramçylyk çäreleriniň maksatnamasyny şu orkestriň çykyşlary hem bezär diýip umyt edýäris.

Sözümiň ahyrynda “akylly” Arkadag şäherine bagyşlap ýazan täze goşgym bilen Sizi tanyşdyrmaga rugsat ediň!

Arkadag şäheri

Arkadag! Sen täze, «akylly» şäher,

Arkadag! Sen bize sarsmaz galasyň,

Arkadag! Sen bize umyt-arzuwsyň.

Seniň adyň — goragyňdyr,

Seniň adyň — diregiňdir,

Seniň adyň — geljegiňdir.

Sen — bagtly ýaşlaň şäheri,

Sen — aýdyň, tämiz durmuşyň,

Hem nurly Günüň şäheri.

Sen — bagtly halkyň şäheri,

Sen — öz beýik dana Ogluň —

Gahryman Arkadagyň şäheri.

Ol seni döredýär, gurýar,

Seniň bilen öňe barýar,

Ýüregi seň bilen urýar.

Ol saňa güýç-kuwwat berýär,

Saňa ynam-umyt berýär,

Saňa geljek, ömür berýär.

Arkadag şäheri we Gahryman Arkadag!

Siz hemişe bile,

Hemra birek-birege!

Goý, Arkadag şähri müdimi bolsun!

Goý, seniň adyň hem ba:ka ulaşsyn!

Gahryman Arkadag baky ýaşasyn!

ŞÖHRAT SIZE, ARKADAG!

Hormatlamak we iň gowy arzuwlar bilen,

Neda Berger,

Awstriýa-türkmen jemgyýetiniň ýolbaşçysy.