Onuň Alyhezreti, 
türkmen halkynyň Milli Lideri, 
Türkmenistanyň Halk Maslahatynyň Başlygy jenap 
Gurbanguly BERDIMUHAMEDOWA

Hormatly Gurbanguly Mälikgulyýewiç!

Sizi Beýik Watançylyk urşunda gazanylan Ýeňşiň 78 ýyllygy mynasybetli tüýs ýürekden gutlaýaryn. 9-njy maý Russiýanyň hem-de Türkmenistanyň halklary üçin aýratyn ähmiýete eýedir. Şol gün ýurtlarymyzda Beýik Ýeňşi ýakynlaşdyrmak üçin egin-egne berip, ganym duşman bilen gaýduwsyz söweşen, tylda zähmet çeken pederlerimiziň taýsyz edermenligini çäksiz hoşallyk bilen ýatlaýarys.

Beýik Ýeňşiň umumy ruhy mirasynyň mundan beýläk-de Russiýa bilen Türkmenistanyň arasyndaky gatnaşyklary çuňlaşdyrylan strategik hyzmatdaşlygyň ýoly bilen ösdürmäge ýardam berjekdigine ynanýaryn.

Size we Siziň ýakynlaryňyza berk jan saglyk, abadançylyk, rowaçlyk arzuw edýärin.

Hormatlamak bilen,

Wladimir PUTIN,
Russiýa Federasiýasynyň Prezidenti.

*** 

Onuň Alyhezreti, 
türkmen halkynyň Milli Lideri, 
Türkmenistanyň Halk Maslahatynyň Başlygy jenap 
Gurbanguly BERDIMUHAMEDOWA

Hormatly Gurbanguly Mälikgulyýewiç!

Beýik Ýeňşiň 78 ýyllygy mynasybetli mähirli gutlaglarymy we iň gowy arzuwlarymy kabul ediň! Söweş meýdanlarynda, tylda deňsiz-taýsyz batyrlygy we gaýduwsyzlygy bilen Ýeňşi ýakynlaşdyran pederlerimizi hoşallyk duýgusy bilen ýatlaýarys, olaryň ägirt uly edermenligini, ruhubelentligini, watansöýüjiligini, gahrymançylygyny sarpalaýarys.

Bilelikdäki tagallalar bilen täjik-türkmen dostluk we hyzmatdaşlyk gatnaşyklaryny mundan beýläk-de iki halkyň bähbidine ösdürjekdigimize ynanýaryn.

Hormatly Gurbanguly Mälikgulyýewiç, bu baýram gününde Size berk jan saglyk, abadançylyk, Türkmenistanyň doganlyk halkyna bolsa parahatçylyk, durnukly ösüş, mundan beýläk-de rowaçlyk arzuw edýärin!

Hormatlamak bilen,

Emomali RAHMON,
Täjigistan Respublikasynyň Prezidenti.

 ***

Onuň Alyhezreti, 
türkmen halkynyň Milli Lideri, 
Türkmenistanyň Halk Maslahatynyň Başlygy jenap 
Gurbanguly BERDIMUHAMEDOWA

Hormatly Gurbanguly Mälikgulyýewiç!

Beýik Watançylyk urşunda gazanylan Ýeňşiň 78 ýyllygy mynasybetli tüýs ýürekden gutlaglarymy kabul ediň! Bu gün biz söweş meýdanlarynda duşmana garşy gahrymanlarça söweşen hem-de tylda zähmet çeken pederlerimiziň taýsyz edermenligini buýsanç we hoşallyk duýgusy bilen ýatlaýarys.

Uruş ýyllarynyň dowamynda taplanan doganlyk gatnaşyklarymyzyň mundan beýläk-de ýurtlarymyzyň arasynda strategik hyzmatdaşlygy ösdürmek üçin mizemez binýat bolup hyzmat etjekdigine ynanýaryn.

Hormatly Gurbanguly Mälikgulyýewiç, bu taryhy günde Size berk jan saglyk, abadançylyk, jogapkärli döwlet işiňizde täze üstünlikleri arzuw edýärin!

Hormatlamak bilen,

Dmitriý MEDWEDEW,
Russiýa Federasiýasynyň Howpsuzlyk Geňeşiniň Başlygynyň orunbasary.