Onuň Alyhezreti,

türkmen halkynyň Milli Lideri,

Türkmenistanyň Halk Maslahatynyň Başlygy

jenap Gurbanguly BERDIMUHAMEDOWA

Doglan günüm mynasybetli iberen tüýs ýürekden gutlaglaryňyz, hoşniýetli arzuwlaryňyz, şeýle hem telefon arkaly aýratyn söhbetdeşligiňiz üçin çuňňur hoşallygymy beýan edýärin.

Hatyňyzda Özbegistanyň soňky ýyllarda gazanan durmuş-ykdysady üstünliklerine ýokary baha bermegiňiz hem-de özara bähbitli hyzmatdaşlygymyzyň hil taýdan täze derejä çykandygyny bellemegiňiz meniň üçin örän gymmatlydyr. Ikitaraplaýyn gatnaşyklarymyzyň pugtalandyrylmagynda Siziň uly goşandyňyzyň bardygyny aýratyn nygtamak isleýärin.

Dostluk we özara ynanyşmak ruhundaky netijeli dialogymyza ýokary baha bermek bilen, ýurtlarymyzyň arasyndaky strategik hyzmatdaşlygyň köpugurly we özara bähbitli gatnaşyklaryň mundan beýläk-de üstünlikli ösdüriljekdigine berk ynanýaryn.

Pursatdan peýdalanyp, hormatly Gurbanguly Mälikgulyýewiç, Size we Siziň ähli dogan-garyndaşlaryňyza, ýakynlaryňyza uzak ömür, maşgala abadançylygyny, Türkmenistanyň doganlyk halkyna bolsa parahatçylyk, rowaçlyk arzuw edýärin!

Hormatlamak bilen,

Şawkat MIRZIÝOÝEW,

Özbegistan Respublikasynyň Prezidenti.