Onuň Alyhezreti,

Türkmenistanyň Prezidenti

jenap Serdar BERDIMUHAMEDOWA

Hormatly Serdar Gurbangulyýewiç!

Doglan günüňiz mynasybetli tüýs ýürekden gutlaglarymy kabul ediň!

Hormatly Serdar Gurbangulyýewiç, Size berk jan saglyk, parahatçylyk we abadançylyk, Türkmenistanyň bähbidine alyp barýan işleriňizde täze uly üstünlikleri arzuw edýärin!

Hormatlamak bilen,

Aleksandr LUKAŞENKO,

Belarus Respublikasynyň Prezidenti.

* * *

Onuň Alyhezreti,

Türkmenistanyň Prezidenti

jenap Serdar BERDIMUHAMEDOWA

Çuňňur hormatlanylýan Serdar Gurbangulyýewiç!

Siziň doglan günüňiz mynasybetli tüýs ýürekden gutlaglarymy kabul ediň!

Meşhur döwlet işgäri kakaňyzyň asylly işlerini dowam etdirýän türkmen halkynyň mynasyp ogluna — Size tüýs ýürekden berk jan saglyk, doganlyk Türkmenistanyň bähbidine alyp barýan döredijilikli işiňizde uly üstünlikleri arzuw edýärin.

Türkmenistan bilen Russiýa Federasiýasynyň Tatarystan Respublikasynyň arasynda öňden gelýän hyzmatdaşlygyň hemmetaraplaýyn ösdürilmegine ýardam berýändigimize örän şatdyryn.

Size we Siziň ýakynlaryňyza bagt, abadançylyk arzuw edýärin.

Mintimer ŞAÝMIÝEW,

Russiýa Federasiýasynyň Tatarystan 

Respublikasynyň ilkinji Prezidenti.

* * *

Onuň Alyhezreti, Türkmenistanyň Prezidenti

jenap Serdar BERDIMUHAMEDOWA

Çuňňur hormatlanylýan Serdar Gurbangulyýewiç!

Doglan günüňiz mynasybetli tüýs ýürekden gutlaglarymy kabul ediň!

Siz Türkmenistanda we onuň çäklerinden daşarda hem öz ýurduny ösüşiň we abadançylygyň ýoly bilen ynamly öňe alyp barýan başarjaň, güýçli erk-ygtyýarly ýolbaşçy hökmünde tanalýarsyňyz. Ykdysady kuwwaty pugtalandyrmak, ilatyň durmuş derejesini gowulandyrmak Siziň üýtgewsiz ileri tutýan ýörelgeleriňiz boldy we şeýle bolmagynda-da galýar.

Pursatdan peýdalanyp, GDA-nyň giňişliginde özara goşulyşmagy ösdürmek meselelerinde Siziň yzygiderli öňe sürýän garaýyşlaryňyza tüýs ýürekden hoşallygymy bildirýärin.

Hormatly Serdar Gurbangulyýewiç, Size berk jan saglyk, rowaçlyk, ýokary döwlet wezipesindäki jogapkärli işiňizde üstünlikleri arzuw edýärin!

Sergeý LEBEDEW,

Garaşsyz Döwletleriň Arkalaşygynyň Baş sekretary.

* * *

Onuň Alyhezreti, türkmen halkynyň Milli Lideri,

Türkmenistanyň Halk Maslahatynyň Başlygy

jenap Gurbanguly BERDIMUHAMEDOWA

Siziň Alyhezretiňiz!

Siziň Merkezi Aziýa döwletleriniň Baştutanlarynyň Hormat nyşany bilen sylaglanmagyňyz mynasybetli tüýs ýürekden gutlaglarymy beýan edýärin.

Bu Hormat nyşanyna Merkezi Aziýa döwletleriniň arasynda ähli ulgamlarda dostluk we hoşniýetli goňşuçylyk gatnaşyklarynyň, özara bähbitli hyzmatdaşlygyň pugtalandyrylmagyna hem-de ösdürilmegine, halkara bileleşikde sebitiň ýurtlarynyň bähbitleriniň, başlangyçlarynyň ilerledilmegine goşan ägirt uly goşandyňyz üçin mynasyp bolandygyňyza ynanýaryn.

Beýik Biribardan Size uzak ömür, berk jan saglyk, bagtyýarlyk, ähli başlangyçlaryňyzda uly üstünlikleri bagyş etmegini dileýärin. Siziň Alyhezretiňiz, Size belent hormat goýýandygym baradaky ynandyrmalarymy kabul ediň!

Siziň doganyňyz,

Faýsal bin Naser bin Hamad AL TANI,

Katar Döwletiniň şeýhler maşgalasynyň agzasy.