Onuň Alyhezreti,

Türkmenistanyň Prezidenti

jenap Serdar Berdimuhamedowa

Mukaddes Oraza aýynyň gelmegi mynasybetli gutlaglarymy we iň gowy arzuwlarymy kabul ediň! Gudraty Güýçli Allatagaladan agyz beklemegiň düzgünlerini berjaý etmäge medet bermegini hem-de rehimdarlygyny eçilmegini dileýäris.

Abdelmajid Tebbun,

Alžir Halk Demokratik Respublikasynyň Prezidenti.

* * *

Onuň Alyhezreti,

Türkmenistanyň Prezidenti

jenap Serdar Berdimuhamedowa

Siziň Alyhezretiňiz!

Ysraýyl Döwletiniň adyndan Size, Siziň ýakynlaryňyza we Türkmenistanyň halkyna Oraza aýynyň ýetip gelmegi mynasybetli iň gowy arzuwlarymy beýan etmek meniň üçin uly hormatdyr.

Bütin dünýäde parahatçylygyň we sazlaşygyň dowam etmegine tüýs ýürekden umyt edýärin hem-de arzuwlaýaryn. Oraza aýynda parahatçylyk, ylalaşyk taglymlarynyň berkarar bolmagy, ähli halklara we dinlere hormat goýulmagy ugrunda tagallalary ederis.

Hormatlamak bilen,

Ishak Gersog,

Ysraýyl Döwletiniň Prezidenti.