Onuň Alyhezreti, 

Türkmenistanyň Prezidenti

jenap Serdar Berdimuhamedowa

Hormatly Serdar Gurbangulyýewiç!

Sizi we Türkmenistanyň doganlyk halkyny hemişelik Bitaraplygyň 29 ýyllygy bilen tüýs ýürekden gutlaýaryn. Üstünlikli durmuşa geçirýän Bitaraplyk syýasaty Türkmenistana halkara giňişlikde uly abraý getirmek bilen, ýurduňyzyň parahatçylyk, durnuklylyk we howpsuzlyk taglymlaryna ygrarlydygynyň nyşanyna öwrüldi. Türkmen halky Bitaraplyk ýyllarynda döwlet gurluşynda we durmuş-ykdysady ulgamda gazanan üstünliklerine daýanyp, durnukly ösüş ýoly bilen ynamly öňe barýar.

Gazagystany hem-de Türkmenistany taryhyň dowamynda kemala gelen dostluk, hoşniýetli goňşuçylyk, özara goldaw bermek gatnaşyklary baglanyşdyrýar. Biz ýurtlarymyzyň arasynda ugurlaryň giň gerimini öz içine alýan strategik hyzmatdaşlygyň okgunly ösdürilmegine we çuňlaşdyrylmagyna ýokary baha berýäris. Bilelikdäki tagallalarymyzyň köpugurly gazak-türkmen döwletara gatnaşyklaryny täze derejelere çykarmaga mümkinçilik berjekdigine pugta ynanýaryn.

Hormatly Serdar Gurbangulyýewiç, Size jogapkärli döwlet işiňizde mundan beýläk-de üstünlikleri, Türkmenistanyň doganlyk halkyna bolsa abadançylyk we rowaçlyk arzuw edýärin!

Hormatlamak bilen,

Kasym-Žomart Tokaýew,

Gazagystan Respublikasynyň Prezidenti.