Onuň Alyhezreti, 
Türkmenistanyň Prezidenti 
jenap Serdar BERDIMUHAMEDOWA

Hormatly Serdar Gurbangulyýewiç!

Siziň Alyhezretiňiz, Sizi ähli yslam dünýäsi üçin rehimdarlygyň, jomartlygyň hem-de hoşniýetliligiň nyşany bolan mukaddes Gurban baýramy bilen tüýs ýürekden gutlaýaryn hem-de iň gowy arzuwlarymy beýan edýärin.

Bu sahawatly günlerde umumy taryhymyz, dilimiz, dinimiz we medeniýetimiz bilen aýrylmaz baglanyşykly doganlyk halklarymyzyň arasyndaky hoşniýetli goňşuçylyk we dostluk gatnaşyklaryny mundan beýläk-de pugtalandyrmagy tüýs ýürekden arzuw edýärin.

Bilelikdäki tagallalarymyz netijesinde, biziň ýurtlarymyzyň arasyndaky strategik hyzmatdaşlygyň halklarymyzyň bähbidine geljekde hem hemmetaraplaýyn ösdüriljekdigine ynanýaryn.

Pursatdan peýdalanyp, Size berk jan saglyk, maşgala abadançylygyny hem-de jogapkärli döwlet işiňizde uly üstünlikleri, Türkmenistanyň doganlyk halkyna bolsa parahatçylyk, abadançylyk hem-de durnukly ösüş arzuw edýärin.

Hormatlamak bilen,

Şawkat MIRZIÝOÝEW,
Özbegistan Respublikasynyň Prezidenti.

 ***

Onuň Alyhezreti, 
Türkmenistanyň Prezidenti 
jenap Serdar BERDIMUHAMEDOWA

Hormatly Serdar Gurbangulyýewiç!

Gyrgyzystanyň halkynyň adyndan we hut öz adymdan Sizi hem-de Türkmenistanyň doganlyk halkyny Gurban baýramy mynasybetli tüýs ýürekden gutlaýaryn. Bu baýram yslam dininiň ýokary ahlak taglymlaryny we köp halklaryň gadymy taryhynyň hem-de medeniýetiniň iň gowy däplerini özünde jemleýär.

Siziň baştutanlygyňyzda Türkmenistan durnukly ösüşi üpjün edýän we ýurduň halkara abraýyny belende galdyrýan möhüm durmuş-ykdysady özgertmeleri üstünlikli durmuşa geçirýär.

Ýurtlarymyzyň arasyndaky ýakyn we dostlukly gatnaşyklaryň doganlyk halklarymyzyň bähbidine mundan beýläk-de pugtalandyryljakdygyna berk ynanýaryn.

Goý, bu mübärek günde Beýik Biribar Size we ýakynlaryňyza berk jan saglyk, bagtyýarlyk eçilsin! Size jogapkärli döwlet işiňizde üstünlikleri, Türkmenistanyň halkyna bolsa parahatçylyk we abadançylyk arzuw edýärin.

Hormatlamak bilen,

Sadyr ŽAPAROW,
Gyrgyz Respublikasynyň Prezidenti.

 ***

Onuň Alyhezreti, 
Türkmenistanyň Prezidenti 
jenap Serdar BERDIMUHAMEDOWA

Hormatly Serdar Gurbangulyýewiç!

Sizi hem-de dostlukly türkmen halkyny Gurban baýramy bilen gutlamaga şatdyryn. Tutuş musulman ymmatynyň täze umyt-arzuw bilen garaşýan bu ajaýyp baýramy mynasybetli iň gowy arzuwlarymy kabul ediň!

Gurban baýramynyň ynsanperwerlik, ylalaşyklylyk, rehimdarlyk, haýyr-sahawat hem-de özara goldaw bermek ýaly belent ruhy taglymlarynyň geljekde-de biziň ýurtlarymyzyň we halklarymyzyň arasynda dostluk hem-de özara bähbitli hyzmatdaşlyk gatnaşyklarynyň pugtalandyrylmagy üçin berk binýat bolup hyzmat etjekdigine ynanýaryn.

Hormatly Serdar Gurbangulyýewiç, şu baýramçylyk günlerinde Size berk jan saglyk, bagtyýarlyk we täze üstünlikleri, Türkmenistanyň doganlyk halkyna bolsa parahatçylyk, ösüş we abadançylyk arzuw edýärin.

Hormatlamak bilen,

Emomali RAHMON,
Täjigistan Respublikasynyň Prezidenti.