Onuň Alyhezreti,
Türkmenistanyň Prezidenti
jenap Serdar Berdimuhamedowa

Gurban baýramy mynasybetli Siziň Alyhezretiňize hem-de türkmen halkyna tüýs ýürekden gutlaglarymy beýan edýärin. Ruhy ähmiýete eýe bolan Gurban baýramy yslam gymmatlyklarynyň mizemezliginiň beýany bolmak bilen, tagallalarymyzy birleşdirmäge, işjeňleşdirmäge hem-de halklarymyzyň abadançylygyny, geljek nesilleriň nurana durmuşyny üpjün etmek işine umumy ygrarlylygymyzy tassyklamaga çagyrýar.

Goý, Beýik Biribar doga-dileglerimizi, sogap işlerimizi öz dergähinde kabul etsin we Size hem-de Türkmenistanyň halkyna bu mukaddes baýramyň ähli sahawatyny, yslam dünýäsine mundan beýläk-de ösüş, abadançylyk, jebislik eçilsin!

Belent doganlyk hormaty hem-de hoşallyk duýgulary bilen,

Abdel Fattah Al-Sisi,
Müsür Arap Respublikasynyň Prezidenti.

***

Onuň Alyhezreti,
Türkmenistanyň Prezidenti
jenap Serdar Berdimuhamedowa

Siziň Alyhezretiňiz!

Gurban baýramy mynasybetli mähirli gutlaglarymy we iň gowy arzuwlarymy beýan etmäge şatdyryn. Beýik Biribardan Size we Siziň ýakynlaryňyza, Türkmenistanyň doganlyk halkyna abadançylyk, rowaçlyk dileýärin.

Gurban baýramy sahawatlylyk, minnetdarlyk, duýgudaşlyk gymmatlyklarynyň pugtalandyrylmagyna gönükdirilen ruhy tämizligi alamatlandyrýar. Goý, Beýik Biribar biziň doga-dileglerimizi hem-de sadakalarymyzy kabul etsin! Goý, bu baýram biziň ýurtlarymyz, ähli musulman ymmaty üçin parahatçylyk, abadançylyk, ösüş eýýamynyň gapylaryny giňden açsyn!

Pakistan we Türkmenistan ynanyşmak, özara hormat goýmak, ösüş ruhunda hyzmatdaşlygyň ygtybarly binýadyna esaslanýan doganlyk gatnaşyklary saklaýarlar. Özara gyzyklanma bildirilýän ähli ulgamlarda gatnaşyklarymyzyň mundan beýläk-de pugtalandyryljakdygyna ynanýaryn.

Siziň Alyhezretiňiz, Size belent hormat goýýandygym baradaky ynandyrmalarymy kabul ediň!

Muhammad Şahbaz Şarif,
Pakistan Yslam Respublikasynyň Premýer-ministri.