Onuň Alyhezreti, 
türkmen halkynyň Milli Lideri, 
Türkmenistanyň Halk Maslahatynyň Başlygy 
jenap Gurbanguly BERDIMUHAMEDOWA

Hormatly Gurbanguly Mälikgulyýewiç!
Gadyrly doganym!

Ilki bilen, Türkmenbaşy şäherindäki “Awaza” milli syýahatçylyk zolagynda BMG-niň Deňze çykalgasy bolmadyk ösüp barýan döwletler boýunça üçünji maslahatynyň üstünlikli geçirilmegi bilen Sizi ýene bir gezek tüýs ýürekden gutlaýaryn.

Siziň ajaýyp ýurduňyza saparymyň dowamynda Siziň döredijilikli işiňiziň netijesinde amala aşyrylan uly özgerişlikleriň, Türkmenistanyň halkara giňişlikdäki abraýyny mundan beýläk-de ýokarlandyrmaga gönükdirilen giň möçberli özgertmeleriň şaýady boldum. Bu maslahat ösüp barýan ýurtlaryň, ilkinji nobatda, Merkezi Aziýa döwletleriniň möhüm meseleleriniň netijeli çözgütlerini işläp taýýarlamaga dünýä jemgyýetçiliginiň ünsüni çekmekde uly ähmiýete eýe boldy. Forumyň çäklerinde Awaza syýasy Jarnamasynyň kabul edilendigini, şeýle hem Hereketleriň onýyllyk maksatnamasynyň tassyklanandygyny aýratyn kanagatlanma bilen bellemek isleýärin. Geçirilen açyk we netijeli ikitaraplaýyn gepleşikleriň dostlukly döwletlerimiziň arasynda söwda-ykdysady, maýa goýum, ulag-logistika, medeni-ynsanperwer ugurly gatnaşyklary okgunly ösdürmäge ýardam etjekdigine berk ynanýaryn.

Merkezi Aziýa döwletleriniň Baştutanlarynyň Özbegistanda geçiriljek ýedinji konsultatiw duşuşygyna taýýarlyk görmek boýunça Siziň başlangyjyňyz bilen geçirilen aýratyn çäre biziň geljekki sammitimiziň gün tertibini baýlaşdyrmaga we ony ýokary derejede guramaga mynasyp goşant goşar. Merkezi Aziýa hem-de Azerbaýjan formatyndaky dialogymyz, şeýle-de Özbegistanyň, Azerbaýjanyň, Türkmenistanyň gatnaşmagyndaky üçtaraplaýyn duşuşyklarymyz sebit hyzmatdaşlygyny mundan beýläk-de giňeltmäge we bilelikdäki taslamalarydyr maksatnamalary durmuşa geçirmäge ýardam berer.

Hormatly Gurbanguly Mälikgulyýewiç!

Ýurduňyza saparymyň dowamynda Türkmenistanyň Prezidenti hormatly Serdar Gurbangulyýewiç Berdimuhamedowyň Permanyna laýyklykda, “Hyzmatdaşlygy ösdürmäge goşandy üçin” ordeni bilen sylaglanandygym üçin aýratyn hoşallyk bildirýärin we bu sylagy özbek halkyna, iki doganlyk halkyň dostlugynyň bähbidine bilelikdäki tagallalarymyza berlen ýokary baha hökmünde kabul edýärin. Açyk we netijeli dialogymyzy özara hormat goýmak, dostluk ruhunda yzygiderli dowam etdirjekdigimize berk ynanýaryn.

Pursatdan peýdalanyp, Size we Siziň ýakynlaryňyza berk jan saglyk, bagtyýarlyk, abadançylyk, şeýle hem türkmen halkynyň bähbidine alyp barýan asylly işleriňizde uly üstünlikleri, Türkmenistanyň doganlyk halkyna bolsa parahatçylyk, rowaçlyk arzuw edýärin.

Tüýs ýürekden hormatlamak bilen,

Şawkat MIRZIÝOÝEW,
Özbegistan Respublikasynyň Prezidenti.