Onuň Alyhezreti,
Türkmenistanyň Prezidenti
jenap Serdar BERDIMUHAMEDOWA

Siziň Alyhezretiňize mukaddes Gurban baýramy mynasybetli mähirli gutlaglarymy we iň gowy arzuwlarymy beýan etmek mende uly şatlyk duýgusyny döredýär.

Gudraty Güýçli Allatagaladan Size berk jan saglyk we bagt, tutuş musulman ymmatyna bolsa rowaçlyk, abadançylyk eçilmegini dileg edýärin.

Size tüýs ýürekden hormat goýýandygym baradaky ynandyrmalarymy kabul ediň!

Mohammed bin Raşid AL MAKTUM,
Birleşen Arap Emirlikleriniň wise-prezidenti,
Premýer-ministri, Dubaýyň häkimi.

***

Onuň Alyhezreti,
Türkmenistanyň Prezidenti
jenap Serdar BERDIMUHAMEDOWA

Çuňňur hormatlanylýan Serdar Gurbangulyýewiç!

Gurban baýramy mynasybetli tüýs ýürekden gutlaglarymy beýan edýärin. Bu nurana baýram ruhy päkligi alamatlandyryp, hemmeleri ynsanperwerlige hem-de rehimdarlyga çagyrýar. Bu belent ahlak gymmatlyklaryna ygrarlylyk türkmen halkynyň köpöwüşginli medeniýetini has-da baýlaşdyrýar.

Çuňňur hormatlanylýan Serdar Gurbangulyýewiç, şu ajaýyp baýramçylyk günlerinde Size hem-de Türkmenistanyň ähli halkyna berk jan saglyk, bagt we abadançylyk arzuw edýärin.

Size tüýs ýürekden hormat goýýandygym baradaky ynandyrmalarymy kabul ediň!

Igor BABUŞKIN,
Russiýa Federasiýasynyň Astrahan oblastynyň gubernatory.