Onuň Alyhezreti, Türkmenistanyň Prezidenti jenap Gurbanguly Berdimuhamedowa Hormatly jenap Prezident! Birleşen Milletler Guramasynyň Baş Assambleýasynyň Türkmenistanyň başlangyjy bilen Halkara Bitaraplyk güni kararnamasyny kabul etmegi mynasybetli Sizi tüýs ýürekden gutlamaga rugsat ediň. BMG-niň Baş Assambleýasynyň Siziň başlangyjyňyzy goldap, kabul eden çözgüdi Türkmenistanyň halkara giňişligindäki abraýynyň ýokarydygynyň nobatdaky subutnamasy bolup durýar. Halkara bileleşigi bu baýramçylygy her ýyl bellemek bilen, türkmen halkynyň gülläp ösýän döwleti gurmak ýolunda gazanýan üstünliklerine köp gezek baha berip biler. Pursatdan peýdalanyp, Siziň şahsy tagallalaryňyzy aýratyn bellemäge rugsat ediň. Şol tagallalaryňyz netijesinde Gruziýa bilen Türkmenistanyň arasyndaky hyzmatdaşlyk hil taýdan täze derejä çykaryldy. Geljekde hem bize ikitaraplaýyn gatnaşyklaryň has möhüm meselelerini ara alyp maslahatlaşmaga mümkinçiligiň dörejekdigine umyt edýärin. Hormatlamak bilen, Giorgiý Margwelaşwili, Gruziýanyň Prezidenti