Baş sahypa
\
Medeniýet
\
Halkara zenanlar güni mynasybetli «Gözellik döredýän zenanlar» sergisi açyldy
Medeniýet
Halkara zenanlar güni mynasybetli «Gözellik döredýän zenanlar» sergisi açyldy
Çap edildi 04.03.2024
2734

Halkara zenanlar güni mynasybetli Türkmenistanyň Suratkeşler birleşiginiň sergi merkezinde däp bolan sergi-bäsleşik dabaraly ýagdaýda açyldy.

Her ýyl 8-nji mart baýramynyň öňüsyrasynda zenan suratkeşler türkmen halkynyň däp-dessurlaryny we medeniýetini, gyzlaryň, zenanlaryň, eneleriň gözelligini we elbetde, uzak garaşdyran baharyň gelşini wasp edip, iň gowy şekillendiriş sungat eserlerini halk köpçüligine hödürleýärler. 

Sergi merkeziniň iki gatyny tutup duran «Gözellik döredýän zenanlar» sergisinde dürli görnüşlerde we usullarda ýerine ýetirilen köpsanly işler bar.

Suratkeşler, grafika, heýkeltaraşlyk, keramika, şaý-sepler we hünärmenler hem-de sungat we senetçilik höwesjeňleri tarapyndan döredilen dizaýn çözgütleri ýaryş eminleri we serginiň myhmanlary tarapyndan ýokary baha mynasyp boldy.

Magtymguly Pyragynyň doglan gününiň 300 ýyllygy bellenilýän şu ýyl «Pähim-paýhas ummany Magtymguly Pyragy» şygary astynda geçirilýär. Şonuň üçinem suratlaryň köpüsi milli edebiýatyň ösmeginde wajyp orun tutan görnükli şahyryň mirasyna we şahsyýetine bagyşlanýar.

Suratkeşleriň we çeper döredijilik gurnaklarynyň okuwçylarynyň iň gowy eserleri Kärdeşler arkalaşyklarynyň Milli merkeziniň, Zenanlar birleşiginiň we Türkmenistanyň Magtymguly adyndaky Ýaşlar guramasynyň Merkezi geňeşiniň ýadygärlik sowgatlary bilen sylaglandy.

Mundan başga-da, sergi-bäsleşige gatnaşyjylar – Türkmenistanyň Döwlet çeperçilik akademiýasynyň wekilleri, Türkmenistanyň Döwlet çeperçilik akademiýasynyň ýanyndaky Türkmen döwlet ýörite çeperçilik mekdebiniň mugallymlary we okuwçylary Türkmenistanyň Medeniýet ministrliginiň we ýurdumyzyň Suratkeşler birleşiginiň hormat hatlary bilen sylaglanyldy. 

Türkmenistanyň zenan suratkeşleriniň döredijilik işleriniň sergisi on gün dowam eder. Giriş tölegsizdir.

Soňky habarlar
30.04
Döredijilikli syýasat we netijeli hyzmatdaşlyk — Watanymyzyň täze üstünlikleriniň kepili
30.04
Gahryman Arkadagymyzyň Germaniýa Federatiw Respublikasynyň Federal Prezidenti bilen telefon arkaly söhbetdeşligi
30.04
Arkadag şäherinde behişdi bedewleriň şanyna maslahat geçirildi
30.04
Türkmenistanyň Prezidenti BMG-niň Baş sekretaryny gutlady
29.04
Gahryman Arkadagymyz Monakonyň Şazadasynyň geňeşçisi bilen duşuşdy
29.04
Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyz «akylly» şäheriň gurluşygynyň ikinji tapgyrynyň desgalarynyň şekil taslamalary bilen tanyşdy
29.04
Türkmenistan halkara söwda we hyzmatlar ulgamynda hyzmatdaşlygy ösdürýär
28.04
Türkmenistanyň Prezidenti sanly ulgam arkaly iş maslahatyny geçirdi
28.04
«Halkara söwda we hyzmatlar» atly sergi-ýarmarka hem-de «Türkmenistanda halkara ülňülere laýyk gelýän hil üpjünçiligi» atly halkara maslahata gatnaşyjylara
28.04
Türkmenistanyň Prezidenti Ykdysady Hyzmatdaşlyk Guramasynyň Baş sekretaryny kabul etdi
top-arrow