Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 15-si hasaba alyndy.
Daşary ýurt puluna Birleşen Arap Emirlikleriniň, Türkiýäniň, Serbiýanyň, Latwiýanyň, Gyrgyzystanyň telekeçileri bugdaý ununy, buýan köküni we baldagyny, nah ýüplügi, nah matany, pagta soapstogynyň çig ýagly turşulyklaryny satyn aldylar. Geleşikleriň jemi bahasy ABŞ-nyň 2 million 428 müň dollaryndan gowrak boldy.
Ýurdumyzyň işewürleri içerki bazar üçin jemi bahasy 115 million 516 müň manatdan gowrak bolan, “Türkmennebit” döwlet konserninde öndürilen polipropileni, pagta ýagyny, bugdaý ununy, aýna gaplaryny, pagta lintini satyn aldylar.