Aşgabatda Ýanygy bejerişiň ýöriteleşdirilen merkezi gurlar. Türkmenistanyň Saglygy goraýyş we derman senagaty ministrligi bu taslamany durmuşa geçirmek üçin potratçyny seçip almak babatda halkara bäsleşigini geçirer. Merkezde dünýä ölçegleriniň derejesinde lukmançylyk hyzmatlarynyň giň görnüşlerini ýerine ýetirmek üçin anyklaýyş, bejeriş we saglygy dikeldiş hem-de birnäçe kömekçi bölümlerini ýerleşdirmek göz öňünde tutulýar. Täze klinikanyň işi iň gowy daşary ýurt tejribesi hem-de tiz lukmançylygyň iň täze usullary , dikeldiş hem-de intensiw terapiýasy nazara alnyp guralar.